قصيدة الجوهرة

الجــــوهـــــــرة
بالحب نحيا وبالصح نمشي للنجـــــاح وبحب بلادي نعيش حياتي ونحكيــــــها
جزاير العزة والكرامة أرض الكفـــــــاح ساسها المليون ونص والرب حاميــــــــــها
شعارها نجمة وهلال وشعبها صيـــــــاح نحبك يابلادي وبالخمسينية نهنيـــــــــــها
قسما قول رجـــــــال يعرفها كل سواح حط رجلو فأرضها وبناسها يبغيـــــــــــــــــها
ماخصها ربيع ولاخريف ولاريـــــــــــاح بردها كــــــــــــــــــــافي وبالصيف متنا فيها
ميزتها لبياض والدم فيها مرتـــــــــــــاح ولخضار معشش يــــــــالناس سبحان بانيها
تمنية وربعين ولاية يصمة بالأفـــــــراح لمت ثقافات وفكل عــــــــــــــــــــام تحييها
فيها العــــالم والشباب والمعلم والفلاح واللي بغا المحــــال أرضنا يروح يخطيها
الجزاير معروفة ببلاد الإصـــــــــــــــلاح حبها سكن فالقلب واللسان حــــــــــــاسيها
والصحرة ديـــــــــــما يبدا فيها الصباح عشقي معروف لتمنراست ولــــــكل ماليها
قطع الواد أدريان وسرسوف مايتلاح تبركات والسلام وتهقارت ياسمعين نعليها
لحوانيت حي قديم ما فيه المشحاح وداغمولي قرية عزيـــــــــــــزة عليا ونبغيها
أبلسة بلدية منبع النـــــــــــــاس لملاح يارجال بلادكم بالصح متنو فيـــــــــــــــها
عين امقل دارفيها شحال نرتــــــــــاح بالجود والكرم نميز ونعرف ماليــــــــــــــها

هيرافوك إدلس روح شــوفهم وأرواح وكلمة الشهامة تما أحسن معانيـــــــــــــــها
وتـــــــــــــازروك جنة خضرة بأيد فلاح يــــــــــــاربي احفظهم دعوة ليهم ندعيها
عين صالح بلاد الثقافة والصـــــــــلاح من قول البهتـــــــان ربي منقيــــــــــــــــــها
أدرار لغواط ورقلة حــــــــــد مايتلاح بويلايات الوطن قصتي الجــــــاية نرويها
لي رتب هاد لكــــــــلام معمر جراح عبد الكريم ولد الصحرة وماليــــــــــــــــها
تهقارت الشرقية تم نحط لمـــــــــراح ومن كتاب الله ندي لمعــــــــاني ونرقيها
الجزاير خـــــــــــــاتم طمع كل دباح وتمنراست جوهرة فيه حـــــــافظو عليها
مازين حروف العربية فأرض الكفاح ويرحم من زاد الجـــــــــــــزاء راء فتاليها

القلم الجريح
حاجي محمد عبد الكريم