الصراحة انا بكيت

الصراحة أنا بكيت
باسم الله ديما نبد ابيـــــــــــــــــــــــــــها ورسول الله فكل مرة نعلــــــــــــوه
البال مهني والبسمة عندنا معانيـــــــــها القلب شفاف واللي فيه نخرجـــــــــوه
اليوم جيت بخبر لازم نحكيـــــــها واللي ماعجبهم كلامي يخلـــــــوه
النبي العدنا قال التقوى بماليـــــــــــــــــها اكرم الناس هـــــــــو اللي نقصدوه
اليوم الناس دارت البشرة وحواشيـــــها مقياس للتقوه والحق ديما يغطــــــــوه
هدا عبد ودا حرطاني الكل حاسيها وكاين لي فـــــوق وللنبي ينسبوه
تبع الدنيا بالشينة ولاخرا ناسيــــــــــــــها ويقول للناس نحنا المستــور نعلموه
بالفرقة قصدي نحنا رحنا فيها الجار والضيف والصاحب ولاو بالوجوه
العنصرية تشعشعت يالناس انا معاديها واللي طاح معانا ديما نهـــــــــــــزوه
كلمة السوداء العنصرية بدات بيها وابي ذر الرسول والصحابة عاتبوه
قالها لسيدنا بلال وتاب عليــــــــــــــها الناس بالمال واللون الشريف صنفوه
أمة محمد الضال ديما معاديـــــــــــــــــها هاد لكلام ياسامعين ادوه وعقلوه
بن ادم كي يرحل الدنيا يخليـــــها وعمايلو غدوه عند ربي يفضحـــــوه
مول التقوى بين الخلق حاشيـــــــــــــها واعمــــــــــــــــالو بإذن الله للجنة يدوه
دا عبد الكريم الكلمة معييها فكل مره التقى حنا نصاحبــوه
هاد العنصرية متمني غدوة نمحيــــها وحبل الله ياحبابي زيدو شــــدوه
ولد الصحرا فرغ الجعبة بلي فيها ولي غاضهم كلامو فبالهم ينحوه

حاجي محمد عبد الكريم
باعث البسمة